Meri Pita Candidatura por Las Palmas

Meri Pita

Nací en Las Palmas de Gran Canaria. Soi la segunda de cuatro hermanos y la única moza. Cursé los mios estudios nuna escuela y nun institutu públicos y na Escuela de Maxisteriu.

A finales de los años setenta entré a militar nes mocedaes de célules comunistes y desenrollé la mio formación política al llau de figures de la talla de Fernando Sagaseta, Joaquín Sagaseta o Pedro Limiñana. Fui una de les fundadores del grupu de teatru popular Manticore. Trabayé xunta compañeros y compañeres nes elecciones xenerales y locales qu’auparon a la UPC a l’alcaldía de Las Palmas de Gran Canaria y la elección como parlamentariu de Fernando Sagaseta.

En 1984 aprobé oposiciones y ingresé na Alministración de Xusticia como empleada pública, onde m’escoyeron pola asemblea de trabayadores como primer candidata nes primeres elecciones a Órganos de Representación nel 1987. Nos años noventa fui candidata por IUC xunto con Fernando Sagaseta y Margarita Etala a les elecciones xenerales y locales.

Soi una firme defensora de la unidá d’acción de la clase trabayadora al traviés de la llucha activa, participo en proxectos unitarios como la coordinadora de solidariedá obrera y l’axuntamientu alredor d’esa idea concretóse na creación de la Coordinadora Sindical Canaria, qu’impulsa y concreta la manifestación unitaria del pasáu 1 de mayu, Día del Trabayador.

Comparti’l mio perfil