Mae de la Concha Candidatura por Islas Baleares

Mae de la Concha

Tengo 61 años, soi autónoma, madre de trés fíes y llibrera na Ciutadella de Menorca, onde vivo desde va trenta y cinco años.

Entamé a trabayar a los 16 años y la mio formación ye básicamente autodidacta. Viví en Francia y tamién n’Inglaterra. Obtuvi’l títulu superior de la EOI en convocatoria llibre, tanto d’inglés como de francés. El mio catalán ye razonablemente buenu, y tengo ciertu nivel d’italianu. Siempre que tuvi ocasión apuntéme a cursos y talleres rellacionados con lliteratura, historia, arte y pensamientu.

Interésame tolo rellacionao cola neñez, la educación nos primeros años de vida, los efectos de la cultura patriarcal nes rellaciones cotidianes, y la situación de les neñes y adolescentes nel mundu actual. Siempre que pudi collaboré poniendo escuela a neños y a neñes de families vulnerables.

Menorca ye reserva de la biosfera y el medio ambiente y los efectos del cambéu climáticu son otru tema que me molez y sobre’l que procuro informame. Tamién les condiciones en que viven los animales, la biodiversidá, el cultivu y consumu local, etcétera. Soi socia del GOB (grupu ecoloxista con gran pesu nes isles) y de Greenpeace.

Entré a formar parte de Podemos a raíz de les elecciones europees nes que, por primer vez, un grupu de persones que sí me representen obtuvo un resultáu sorprendente y esperanzador. Agora soi yo quien, xunto con un gran grupu de ciudadanes y de ciudadanos, pretende representar nel nuestru Parlamentu a quien tovía nun tienen voz. Xente corriente que mira indignao y atónito cómo derechos yá alquiríos desapaecen ún tres otru y cómo caminos yá abiertos vense cortaos otra vuelta. Col apoyu de la ciudadanía y l’esfuerzu conxuntu de quien nun nos conformamos vamos ser pa que xire l’aire y que l’aire de cambéu sople pa contra nosotros. Anímame ver el gran nivel de los mios compañeros y de les mios compañeres, tantu nel Congresu como en Senáu. Pola mio parte, espero poder aportar la esperiencia que dan los años y el vivir y trabayar en munchos sitios diferentes.

Comparti’l mio perfil