Rocío Blanco Candidatura per Palencia

Rocío Blanco

Naixié lo 20 d’octubre de 1966 en Villambroz (Palencia). Soi licenciada en Dreito e treballo como advogada laboralista en o sindicato Comisions Obreras. Fue la segunda presidenta d’o Consello Provincial d’a Choventut de Palencia (e la primer muller en ocupar ixe puesto), en o que participé practicament dende la suya constitución procedent de l’asociacionismo chovenil, en concreto en ACUP, que en a suya primer Chunta Directiva democraticament trigada en fue miembro. Dende astí principió la mía participación en atros movimientos e plataformas como la Plataforma per la Insumisión, lo Comité per la Paz, la Coordinadora de Mullers, etc. e la mía posterior afillación a Ezquierda Unida.

Soi estada rechidora d’IU en o Concello de Palencia durante dos lechislaturas. Represento a l’Aria d’a Muller d’IU en a Plataforma per los Dreitos d’as Mullers de Palencia, participando en a suya fundación. He colaborau en diversas plataformas e foros como lo Foro Social. Soi amés socia d’ARCO, Asociación de Consumidors/as e Productors/as Ecolochicas.

Me presento a istas eleccions perque creigo que ye lo momento de transformar iste país e revertir las politicas neoliberals e antisocials que venimos patindo, perque la situación d’emerchencia social que vivimos (desafiuzamientos, paro, emigración, privatizacions e retallos continos de dreitos, principiando per lo dreito a lo treballo e a un salario digno, pero tamién a la educación e sanidat publicas, francas, universals e de calidat e a uns servicios socials dignos pa las personas mayors discapacitadas u en periglo d’exclusión social), requiere que totas las personas aportemos tot lo que podamos u sepamos pa revertir-la.

Comparte lo mío perfil